2012壬辰年立春八字

　　乙　乙　壬　壬

　　酉　未　寅　辰

　　12 11 10 09 08 07 06 05 04 03 02 01

　　癸 壬 辛 庚 己 戊 丁 丙 乙 甲 癸 壬

　　丑 子 亥 戌 酉 申 未 午 巳 辰 卯 寅

各位高人，壬辰流年係寫俾一眾學生睇既，如果學生睇唔明，就帶把橺尺，伸隻手出來，如果其他人睇唔明，就唔好睇啦，唔好Ｅ野來問我何解及點解。

乙木寅月，有比肩透出，劫財格，即係陽刃格，有兩壬水正印透出，通根於辰中癸水，時柱七煞與辰六合化金，日坐偏財，五行之中並無明火，是為身強之命，立春八字好少有日主強的。壬辰年係俾人祈望好轉的一年，因為之前幾年都無乜好過，所以大部份人都希望在龍年有大轉變，但係一排開呢組八字，就已經知道呢一年真正有收獲的唔係普通人，而係在呢一年之前已經有錢的人，第一類有着數的人就係世家子弟，因為日主強財有力，財生弱煞，有正財合化官，有財的人自然有權力，弱煞係由財生出來的，原局財合煞化官，所以可以預料有權力的人背景一定係有錢，無番咁上下財富都唔好諗去到權力的高位。

原局弱水生木，可以想像到年長的人一定好多不滿，好多說話，但係又爭取唔到任何野，因為無明確傷官。日主強的形格最好就係財生官，即係有錢就可以達到目的，但係本年的官只係做到表面的野，因為水無力，想做到實質的野都唔得，最大的特點就係攬住權力唔肯放，有權力的人做唔到野，想做野的人又爭取唔到權力，因為原局火弱制衡唔到有權力的人，本年大部份人都要用力去搵錢。（唔係真正的擔擔抬抬）而係汗流浹背先至搵好少錢，即係索晒氣，要用好長時間做野先至夠食，前一兩年都可以用腦，即係重有（度橋）搵食空間，但呢一年無論用腦用力，都要花大量的時間，因為日主強直接剋財，日主同財星之間無咗橋樑，即係食傷，睇見好多錢，但係未必有機會或者能力去搵錢。

已經有大把錢的人，要追求名譽地位絶不困難，因為官星無制，所以最好不要與有力人士對抗，香港地處南方，先天條件會好一點，先天性有制官的力。本年係一好特別的年份，雖然搵錢辛苦，但係真正係一個財富轉移的形格，睇勻十二個月，竟然無一個月份係唔好的，都係相生或者係同氣的干支，就算係甲辰同癸丑都唔係真正相剋，去年好差的人，本年真係有翻身的機會。相信除咗我之外，都好少人睇好壬辰年的經濟，但係我都唔係盲目睇好，而係根據命理的原則，首先有轉機的人就係等住要改變的，其中以丙日主或辛日主的人，有變的條件，其次就係傷官特旺的人，因為原局財旺，就係差傷官將財星生旺，而傷官就係得到財的橋樑，但係原局呢樣野最弱。一般人只係想門前無債主，家中無病人，至於名譽地位根本唔係佢地所想要的野，在本年原本有財的一定得所需的野，但係本身未有財而要求財的人，就要順應命格而行，就係利用食傷的特性多講野，多走動，多交際。