《易經》第十八卦   【蠱】山風蠱　 　艮上巽下

蠱．元亨，利涉大川。先甲三日，后甲三日。

九三卦主，蠱係也，千祈唔好將佢當為蠱惑咁解，其實係用一個容器載住的蟲，果Ｄ蟲就叫做蠱，換一句說話講就係降頭，落降頭呢Ｄ咁的事，在中國古代好早己經有，呢個蠱在漢墓出土周易帛書，當時漢代讀做固，即係一個一個，同個蠱同音，固係乜，一枝計數的籌碼，就係一個，中國以前計數未有算盤之前計數係用算籌黎計，即係現在的籌碼，以前的籌碼係長形的，唔同現在的圓形，所以計數叫做佈數，同現在的電腦一樣，將的籌由呢個位放到去另一個位，所以現在有一句話叫做運籌為握，所運的籌就係呢種算籌，又叫籌謀，即係未曾決定將個籌放落邊度，呢個固字就係籌，一支算籌，點解固同蠱又會有關連呢，最初的巫術時代就用蠱黎做一件事情的重點，蠱係也，蠱代的巫師要培養好多品種的巫術用品，呢Ｄ用品包括左蟲，細菌，要黎做乜，就係用在個法術�堶情A即係現代的細菌戰，生物戰，毒氣戰爭，呢Ｄ的高科技戰爭其實在我地的祖先輩一早己經盛行，在打仗的時候Ｄ巫師就要將Ｄ蠱取出黎，佈置在敵人經過的地方，等Ｄ敵人染病或中毒，以前Ｄ國家有兩樣野最緊要，第一就係祭天，第二就係打仗擴大自己彊土，呢兩樣野都係巫師所擔任的，點解以前Ｄ巫師的地位咁高呢，就係佢掌握住國家重要的事，佢所養的蠱係有實的軍事用途的上面所講蠱同計數點解會扯上關係呢。

每一次出去打仗的時候，帶Ｄ蠱出去的時候就要計算幾多蠱，呢種一千蠱，果一種二千蠱，即係幾多個放毒單位，如果社會進步的就用固，重係在未發達的社會就用蠱，蠱就係放毒單位，固就係佈算單位，兩樣野都係咁重要，所以呢個蠱就可以理解為重要的事情，但係在呢度係表示係壞事，蠱係「勾」出黎的，即係Ｄ物件擺係度好耐唔郁佢，自然人會「勾」出的蟲亦即係無事生事，而且生出黎的係壞事，呢度的象勢係山下有風，風係可以舒發，疏通萬物，現在風受阻于山下得唔到風的流通，就自然萬物都生蟲，而呢Ｄ蟲就係蠱，所以呢個卦名叫做蠱，另外從卦體黎睇，艮陽卦在上面，巽陰卦在下面，又從個爻住黎睇艮同巽都係陽爻在上面陰爻係下面，成個卦就係陽卦陽爻在上面陰卦陰爻在下面，在64卦�堶捫W一無二的，剛柔不交，上下不接，上下不通，陰陽不交，長期閉塞，所以就有生蟲之象，果Ｄ蟲就叫蠱。

本來蠱係積塞不通，無事生事的意思，點解又元亨呢，原因就係物極必反，生蟲到忍無可忍的時候，自然要黎一次大清洗，而呢個元亨，其實就係清洗之後環境，元亨亦代表事情的本質係好的，呢個卦的背景係話商王朝己經生晒蟲勒，現在要博佢清洗，呢件工作的本質就係元亨，出發點係好的，利涉大川，呢度唔係解可以過一條大河，係解一個過程，一個好艱苦的過程，但係利，都可以渡過，雖然過程好艱苦，但係都可以可渡過，幾時開始呢，就在先甲三日，後甲三日，以前一定係用干支黎計算日子，先甲三日就係辛日，後甲三日就係丁日，呢度的先三日後三日係之前的三日，係行動之前的部署，後三日係行動之後的總結。

彖曰：蠱，剛上而柔下，巽而止，蠱。蠱，元．亨，而天下治也。利涉大川，往

有事乜。先甲三日，后甲三日，終則有始，天行也。

蠱係卦名，剛上而柔下，係卦名的解釋，艮剛陽在上，巽陰柔在下，上爻剛，初爻柔，上下不交，隔絕不通，所以生蠱，巽而止亦係卦名的解釋，巽的性質軟弱柔順，遇事猶疑不決，又有因循苟且的習慣，又被陽卦艮所阻�癒A所以話巽而止，即係話乜野都做唔到，好多外在因素阻�癒AＤ事情不斷積壓，唔去清理或清理唔到，所以後面加�髐@個字，變成巽而止，蠱。

蠱元亨而天下治，蠱就係已經生�鷘峞A元亨，有大條道理去進行清理，大清洗係�琲滿A呢度包括�鷞凗v，排擠，只不過係站在自己的立場黎睇，令到呢Ｄ奪權，爭鬥，變成�鬙翮悸漕ヾA天下治即係霸佔�鱄茼a盤，但係要達到鬥爭之後而霸佔�髐H地個地之前重要經過下面的艱苦的過程，唔係白得的，所以我地成日話事無好同壞的，只不過係立場唔同�隉A呢度重要經過涉大川，往有事，涉大川我地知道乜，至於往有事即係明知係好難好艱險都要去做，往係去，有事就係明知���苤A利涉大川，往有事也，就係明知好煩，但都要去攪掂佢。

先甲三日，後甲三日，終則有始，天行也。甲係一個開始，呢度只不過係話在一段時間�堶情A終則有始即係光�鰲N一定有一個開始，好似天黑之後就到天光，天行也，天的運行，係唔會變的。

象曰：山下有風，蠱，君子以振民育德。

風吹至山下受阻，不能�銙q，變成閉不通，想做的事完全做唔到，Ｄ事多到攪極都攪唔掂，解決唔到就生蠱。加子以振－尼育德，好多阻滯，但係唔好氣餒，振即係奮，育係教，呢度係孔子的理論，佢話有挫折唔使惊，我教你以平常心黎對待，呢個育德就係唔好用戾氣黎對問題，我地知道孔子的立場，所以呢度的解釋係用長時間去化解問題，振奮民心之後去教育佢地，或者教育佢地點樣面對困難，你話係唔係需要長時間，占到呢一卦。

問前程：就一定困難重重，呢度的重重係講積習，如果要無問題都得，就係將Ｄ問題立刻解決，例如有一句名言：就係唔好俾俾Ｄ文件經過隻手兩次。

問婚姻：表示好多小問題積聚變成大問題，呢個卦象係山下有風，風受山阻，不通之象，所以無論結�鰼B或者未結婚都要多溝通。

問事業：做老闆的就表示有問題要立刻處理，同要把握時機，時間性好緊要，所謂先甲，後甲，如果打工的，有唔滿意的一係就離開，一係就要提出改革，唔好積，積積埋埋就有問題。

初六：幹父之蠱，有子，考無咎，厲，終吉。

蠱呢度解事情，幹父之蠱，做老豆所做的事，有子，有個仔可以繼乘父親的事業，考就係父親，無咎，無問題，厲，好難做�謘A雖然好難，但係都攪掂，終吉，原來老豆做開的生意或者事情已經攪「彎」�鱆滿A現在個仔接手，老豆就甩�魖迭A考無咎勒，但係要攪番掂都要好長時間，點解話要好長時間呢，因為呢個卦每一爻都講父子的關係，即係話一代做唔好，就要留番下一代，所以呢卦的改革，係唔急得的。

象曰：幹父之蠱，意承考也。

接�鬫悃妒漕ず什窗A但係呢檔係欄攤子，即係話你接手的時候已經生蟲，所以個老豆幾恨個仔接手，點解上面話想改革，但係唔急得呢，因為呢檔野生蟲唔係一朝一夕的事，已經生�鷘峖n耐，所以唔係短期可以做到的，呢度的意考係順老豆的意思，根本唔係自願的。占到呢一爻問前程就表示無舒服，問婚姻有問題都係上下兩代的問題，最主要就係唔搆通，應該係女人的問題，例如婆媳問題，問事業就表示已經生蟲，要改亦唔容易，放棄好過。

九二：幹母之蠱，不可貞。

上面話繼承父親的事就終吉，呢度繼承母親所做的野就唔妥，點解，因為唔係大事，母親所做的野係屋企�堶悸甄磛ヾA繼承父業就好勒，因為父親做的係大事，母親做的係鎖碎事，如果個仔係鐘意補衫，煮飯，就會俾人認為無出息，如果學老豆出去做生意就高興勒，就俾人認為有志氣，男兒志在四方，唔會理會果檔攤係唔係已經生蟲或正在欣向榮，所以可以証明當時完全係一個父系掌的社會，絕對唔係母系社會，所以繼承母親所做的事就不可貞，無出息，上面用考，可能父親已經死�驉A但亦有未死而用考的，呢度用母而不用妣呢，就肯定母親未死，所以呢度擺明係唔俾面。

象曰：幹母之，得中道也。

雖然學母親做的野或者繼母親所做的野係被認為無出息，但係都唔係太差，點解呢，因為雖然唔係大事，但亦唔係壞事，得中道也，得中即係下卦陰卦之中位，得中都唔會衰得去邊。

占到呢一爻問前程：就要留意跟個老細係男定女，如果係男的就一定好多問題，好多棘手的問題，如果係女的就雖然唔會有乜野大計大發展，但係就好平穩，因為孔子話幹母得中也。

問婚姻：聽老母話就好過聽老豆話，同時有問題出現就唔好請教男人。

問事業：就一定要請人就請多Ｄ女人，因為呢度係陰卦的中位，所以女性得中，唔會太差。

九三：幹父之蠱，小有悔，無大咎。

繼老豆所做的大事，小有悔，會有Ｄ錯，但係無大問題，無大咎，會有做得唔好的地方，點解會做得唔好呢，因為無人幫，同時亦因為作風問題，就係太硬勒，因為九三呢一爻又無比又無應，一味識得用強硬手段，得唔到陰相比的手段，孤軍作戰，因為成個爻詞係講接老豆果檔攤，呢檔野已經生�鷕菕A無人幫你，而自己的態度又唔好，因為陽爻無應就過於剛硬，所以就有悔，但唔緊要，呢個困局好短�隉A小有悔，無大咎，最後都會成功的，但係可能損耗的資源太多，究竟值唔值呢，所以呢一爻就悔同咎一齊出現。

象曰：幹天之蠱，終無咎也。

依照自己的意思去做，唔好被人所左右，呢度話終無咎也，終於都攪掂，終於，即係話身水身汗之後終於都掂�驉A包含�鬙I出的代價好大，要整理上一代遺留落黎的問題，最後會成功的，但會唔會耗費的資源太多呢，爻詞同象詞都無話到值唔值得，佢不過係將一件事講出黎。

占到呢一爻問前程：就表示付出多收獲小，唔係多勞多得，唔成正比。

問婚姻：就困難重重，但係都會成功的。

問事業：創業就唔好勒，因為打到江山都未必係好的。

六四：裕父之蠱，往未得也。

往見吝，吝就係挫折，有棘手野，裕，寬裕，寬鬆，上一爻手段太硬，呢一爻就寬鬆，對上一代遺留落黎的問題，採取寬的態度，跟住後面話往見吝，見字同現字相通，即係往現吝，對上一代或者上一手遺留落黎的問題探取寬容，放任姑息，唔計較的態度，遲早會累死自己，往現吝，一定有更大的災難出現，往現，即係耐就越有大問題出現，吝，卒之越黎就大件事，六四係陰爻，以懷柔手段係�琲滿A呢Ｄ係太平盛世就好，就受歡迎，但係呢度係蠱，已經生晒蟲勒，再柔和，就一定返轉頭害返自己，現吝。

象曰：裕父之蠱，往未得也。

有蠱，再用裕的態度，只有更增其腐敗，往未得，一路都唔會成功，你唔改變呢種態度，只有一路衰落去。

占到呢一爻問前程：就表示以前的作風，態度唔好，就一定要轉變，唔好再用番以前果一套。

問婚姻：離婚就好，結婚就唔好。

問事業：執笠就好，因為已經生晒蠱，創業就唔好。

六五：幹父之蠱，用譽。

做老豆的事，用譽，用番父親的名譽黎做，用番佢個名黎做，呢度解用番父親的手法黎做野。干父之蠱，之後裕父之蠱，跟住又係干之蠱，幹係好認真，好緊張，女投入咁樣去做，裕係好鬆散，好優游，完全唔緊張，更加唔投入，所以的爻詞吉凶就話終吉，無大咎，都係好的，但裕呢就唔同，往見吝，呢一爻又係幹，用譽，大部份人都解釋為照老豆的手法去做，或用番佢個名去做，其實都無理由，點解唔�琠O，因為呢一個卦係蠱，生蟲，既然生�鷘峞A你重要照方式去做，佢個名已經臭晒，你重要用番佢個招牌，唔衰�姥什I，無理由，有腦的都唔會咁樣，所以話Ｄ書唔係照抄就真係擘大眼講大話，其實成個卦上到黎第五爻，最好的位，即係話佢已經攪掂�驉A呢個幹唔係好似其他爻的解釋，承接老豆果盤生蠱生意，或事業，而係幹掂�驉A將個欄攤子攪番掂，本來係好的，但係佢係六五爻，陰居陽的至尊位，就用譽勒，將Ｄ功勞俾番老豆，或者將Ｄ功勞歸番上司，總之自己唔居功，點解自己做成功一件事都無功勞呢，就係因為自己只係得中，唔係得位，所以就算有功勞都唔敢去領，睇埋個象詞。

象曰：幹父之蠱，承以德也。

咁辛苦去攪掂上手或上一代留落黎的欄攤子，都唔居功，完全係對佢好，承以德也，係唔計較的。

占到呢一爻問前程：就要低調，千祈唔好爭住居功。

問婚姻：就一定要以對方為重。

問事業：就一定要不畏難。

上九：不事王侯，高尚其事。

不事王侯，有王侯提攜「帶怯」提拔都唔接受，高尚其事，自以為好清高，我攪掂晒果Ｄ麻煩野，你要多謝我，提拔我，我都唔接受，我係為理想而做的，唔係為報酬而做的，自以為好高尚，孔子對呢一爻讚不絕口，睇�鴾掑l的出身，佢帶住Ｄ學生名為周�g列國，實際上係推銷佢果套儒家學說，一路捱饑抵餓，三千弟子得番七十個跟住佢，無一個諸侯個肯要佢果套野，孔子一生向權貴推銷，當佢見到呢一爻，不事工侯，可以唔賣王公貴族的賬，孔子好羡慕，所以佢寫個象詞完全表達�鼳\的心事。

象曰：不事王侯，志可則也。

唔使睇王公貴冑的面色，何等逍遙自在，羡慕到死，志可則也，則係準則，即係話佢的行為可以作為後世的準則，高尚的標準。

占到呢一爻問前程：就真係無也，因為呢個人唔識變通，一味死牛一邊頸。

問婚姻：就要實際Ｄ，唔好淨係講理想，滿口理想，懶高尚懶有骨氣的人，千祈唔好揀佢。

問事業：就一定要腳踏實地，樣樣都要講實際。

睇晒成個蠱卦，前人利番落黎的爛攤子，了解�鬫]乜事，蠱，就係Ｄ食物放得大耐而無好好處理佢而令到生蟲，只係盡去攪番掂佢而完全無埋怨，即係話譴責過去係無意思的，主要係著眼於將來，亦都為自己提供一個一展抱負的機會，所以蠱卦所俾我地的啟示就係展望將來，同埋自己能力的表現，例如初爻係講自願去幹父親留落的蠱，意承考也，到六五承以德也，都圍繞住「你攪唔掂咩，我黎幫你啦」，到上九就功成身退，而不居功，所以成個蠱卦的意念係正面的。