|
術數班招生 關錦光主持
純以五行學理授課 不涉鬼神迷信之事
08年11月沙田區星期三及星期五招生
逢星期三晚 逢星期五下午
趨吉避凶風水班： 7:15 2:00
知運改命八字班： 8:30 3:15
知相識人面相班： 4:30
開班日期：08年11月19日星期三晚上
08年11月21日星期五下午
以上每班一小時十五分 每六堂500元正
統一報名電話：8106 3008 93098266
報名電郵：ws@wisesociety.com.hk
風水師傅的前景
機緣學社每逢新班招生，例如風水班，八字班，面相班，占卜班，測字班，塔羅牌班，以及進修的易經講座等等，都會接到一些無厘頭電話，所問的都是幾多堂先至畢業，或者係學完六堂可唔可以搵食等等。
對於前者，問要學幾多堂先至畢業？我就會答之以無止境，因為我自己都未畢業，這門學術博大精深，學無止境，如何才算畢業呢，實在我都唔知，對方就會畏難而退，更加唔會報名，招生時期如此對答實在傻更更。
後一種問得重傻更更，學完六堂可唔可以去搵食，早幾年我對這種問題感到好勞氣，世間竟有如此急功近利之人，但都會告知最少都要五六個階段，有實習經驗加上充足的學理知識，到真正相宅之時不會被人難倒，甚或被對方問幾個問題就口窒窒。
但近幾年我對這類詢問電話已經較為心平氣和，告之以學完六堂絕對可以搵食，如此回應並非負氣，更非謊言，而係真心話，因為在六堂的課程裡面，已經教完八宅法，乾坎艮震巽離坤兌等八個方位的相宅方法已清楚講授，如何加強旺氣，如何化解煞氣等亦已經掌握一定操作能力，以之謀生絕非難事。或者驟眼睇覺得好化學，六堂就（出嚟搵食），好唔負責任啫，但係我們放眼市場，幾多名滿天下的大師級人馬都係用八宅法睇風水啫，在公眾媒介公開教授亦都係八宅法。我在回答報名的準學生：（佢地得，你都得，只不過你無佢地的背景，無佢地的口才，但係所識既野都係一樣，點解六堂唔可以出去搵食呢。）
基於現今社會形態，不斷轉形，自然會淘汰一班人，而不幸被淘汰的人大部份仍在壯年，（五十左右）要留在老本行，大家都知道無乜可能，一部份較為幸運的有肥雞餐，就可以靠少少錢做點小生意，或作穩健性投資，都可以維持兩餐，但事實上大部份人都無此幸運，手停口停者多，有部份索性擘大口等政府救濟，但香港人大多數都想生活得有尊嚴，尤其是在後輩面前唔使攤大手板攞錢，這部份人就會不斷增值自己，重新學習令自己有謀生能力，其中有部份會投於我門下，好勤力地學習，不斷爭取實習機會，而我亦盡能力令投於我門下的學員有真才實學，如果以之謀生，必可佔一席位。我未必係一個最有料的導師，但我絕對係一個胸襟廣闊及有理想的導師，學生以術數謀生，我只有開心，所以我有三把劍送給學生們。
但由名不見經傳至可以站穩腳步，以至略有名氣，這一過程是很痛苦的，因為我的學生都會秉承我的宗旨，唔呃人，唔嚇人，唔裝神弄鬼，純以正確術數服務社群。（唔辛苦有鬼）
其中有部份學生對術數這個行業有疑問：呢個行業咁多人搵食，重有無前景呢？
術數這個行業並無實質物件出售，所出賣的就只有信心二字，如果一個地方在裡面生活的人，每個都對前景充滿信心，知道自己老咗之後會點，每一件事都有規有矩，人民行事會依正規範，政府行事會依正制度，大家都處於一個公平公正的環境下生活，在這種社會形態下，術數行業的確無存在價值，亦無立足之地，風水師傅只有齊齊轉行，但我們有機會見到言一天嗎？
給學員的信：
交友之道，知無不言，言無不信。
教學之道，識無不教，教無不盡。
本學社宗旨弘揚中國正統術數文化。更冀薪火相傳，生生不息。
凡投於本社門下，必有真材實學，為本社眾導師一貫理想。
多數學員最初報學術數班之時都抱著好奇或懷疑態度，但一段時間之後，就發覺風水命理等等都有一套完整理論，並無欺騙我們，問題是我們對這等術數認識有多少，上課之時導師語重心長「勤力Ｄ啦，多Ｄ溫習啦。」但都係耳邊風，如果每隔幾堂就來一次考核，結果就是上課同學愈來愈少，但現在導師再不需要迫你「勤力Ｄ啦，多Ｄ溫習啦」等等，因為如果你自己身為導師，就有一班學生迫你勤力、進步，正是教學相長，可以進步更快，但你有膽接受挑戰嗎？
現在美孚區多個空缺，所以有能力擴大培訓導師，凡自認為稱職並有堅定信念者，皆可報名爭取，本社盡可能給予機會。
我有三把劍
封塵之劍：機緣學社學員必有真材實學，如欲以之謀生，必可佔一席位是一眾導師一貫理想，所以在過往多年不斷找尋實習機會給予學員，令他們有機會將所學知識加以運用，但可惜很多同學上課經年，依然未有信心面對陌生人一展所學，令我頗為失望，希望將來慢慢會改善。
出鞘之劍：很多同學都明白學習術數不一定以之謀生，但一定要知道自己所學是否真正有用，所以每遇實習機會，都躍躍欲試，經導師鼓勵之下放膽埋位開口，原來自己所學已經足夠應付有餘，初時戰戰兢兢，一兩次之後就變成享受這種場合。
江湖試劍：很多同學都經過以上兩種過程，之後轉為職業術數師，原因不外乎幾種。其中有部份同學覺得未闖出名堂之前請師傅不要公佈其名字，但亦有部份同學大張旗鼓，無論那一種模式，師傅都衷心祝福他們，不單止可佔一席位，名滿天下可期，並伸延本社精神，以正確術數示人。
關錦光 丙戌臘月
機緣學社術數班
明師關錦光主持
弘揚國粹，推廣術數，
多年來培訓弟子無數，遍佈港九執業，以真才實學服務社群．
各班內容：完成全部課程可申請本會畢業證書
風水研究班：與學員研討風水理論，天玉經講解
風水高班：實用風水典籍講解，例如玄空秘旨，飛星賦等等，配合實例研究
風水初班：由基礎理論，卦象認識，八宅法，九宮飛星，替星，羅經運用等等
八字高班：深入十神講解，性格，財運，桃花分析，探討灰色地帶，實例研究
八字初班：認識天幹地枝，排八字，取用神，了解自己何時行運初步十神講解
掌面相班：認識流年部位，了解掌紋意義，從細微動態整體配合判斷運氣吉凶
塔羅牌班：認識每張牌意義，以愛情、事業、財運深入了解塔羅準確性
報名電話：關錦光81063008 子東大師 93179084
鄺國龍97408728 東方晉大師92204666
|
