乙未流年

15乙未立春

甲辛戊乙
午亥寅未

子平八字係以日主作為中心點，而以立春八字來判斷當地當年的社會形態，每年都有七八成準，首先睇日主的力量，日主有力自然對周圍的人同事有控制能力，一切都在掌握中。當日主弱就自然每一件事都唔係自己能夠掌控，樣樣都顯得有心無力。日主亦都代表了地域的向心力，日主有力的話，無論官與商，都致力對這地方建設，一條心諗住點樣營造好這個地方。但係如果日主力度唔夠的話，就自然個個都想在這個地方搵著數，唔單止官與商，更多了一班奉旨??野的人，即係官星財星加傷官。

辛金日主生於寅月，攤開萬年曆統計一下，立春八字好少係強的，十二年才有一兩年係日主稍為有少少力，但係弱到如此這般，的確攪笑，上天安排將之作為立春八字，肯定係同南方人開玩笑。

辛金寅月，成組八字都係環繞住辛金日主做標準，正財格，寅亥相合，有正偏財透出，寅午半合，午未六合，無官煞透出，亥未相合，寅未相合，有正印透出，日坐傷官，無傷官透出。綜觀全局，四柱地支有六組相合，分別係寅與午合、寅與亥合、寅與未合、未與亥合、午與未合及午與亥合，但相合所產生的五行竟然無一組係金。辛金日主放眼周圍，首先係財強身弱，印重身輕，官旺日衰，還要日坐傷官，正式係弱到唔弱，都好攪笑。

整體格局，寅亥相合，有甲乙木透出，財星最強，官星次之，印星蓋頭截腳，傷官直接泄日主的氣。本地只有三㮔人，第一係大官，第二係商家，第三係窮人，其餘都不值一提。八字格局係財星當令，講財自然係同商人有關，本地的商人真正財雄勢大，富可敵國，可惜正偏財混雜，商與商之間存在勾心鬥角，混雜即係唔純正，表示商人唔會只係做生意咁簡單。因為日主勢弱，不足以掌控財星，所以做事完全唔使理會其他人。在商人立場上，官星太弱，自然無王管，鍾意點就點。另一方面財與官合，表示商同官合作的情況日益嚴重，本地人最唔鍾意的一種合作方式（有個比較好聽的名字叫官商勾結）。官弱財強的狀態下，商人鍾意做乜官星都要配合，甚至可以左右官星的上司，財星所剋的係印星，在本局裡係蓋頭截腳，表示做野會有好多牽制。當日主無主宰全局的力量時，就自然產生各據山頭現象。

原局官星隱藏，反而七煞明現，因為七煞的做事作風只講目的，什麼手段唔重要，過程唔重要，最重要係達到目的，表示官民之間的衝突好嚴重（因為官星只係針對傷官）。基於商人勢大，大到富可敵國，官星只有合作，所以官商之間好和諧。

傷官可以制官，同官星對著幹的自然係窮人，但傷官在局中係最弱的，單獨傷官在八字中係無意思的，如果與其他五行相合起來就力量大增，等於一個窮人係不會被重視，但當聯合其他力量就唔可以睇少，原局寅與亥合，未與亥合、及午與亥合，換句話說即係各方拉攏的對象，本地係一個好奇怪的地方，各方面的力量都要討好，拉攏最低階層的人，反而中等階層就睇都唔使睇。

綜觀本年的社會形態，一定係各自為政，政府部門之間互不協調，民間更加不在話下，由政黨至大小公司，超過三個人就自動分成兩黨。

財強身弱，人追錢的格局，自然係搵錢辛苦，重有就係剩錢難。偏財坐庫無衝，表示在股市搵錢好難，加上正偏財夾雜，商人已經唔係純正的生意人，都唔知用什麼詞句來形容本地的大商家。

印星代表安定，講安定就一定同居住有關，可惜印星蓋頭截腳，偏印俾七煞蓋頭，正印俾七煞截腳，表示本地不易居，富人自然唔會有居住問題，有問題的只會係窮人，引伸出細價樓重有好大上升能力。

日坐傷官自然係多是非，傷官本來係針對官星，但亥午暗合，表示會有好多人轉?w，但判斷唔到那一方轉向那一方。

本地本年正式係行衰運，建議一般人盡量保留現金在手，切勿以搵得少作為藉口而放棄積蓄，尤其是年青人的心態，反正剩到都買唔到樓，不如食埋佢啦，變成自己迫自己唔剩錢，運氣差就更要積蓄力量，金錢就係力量代表。

本年南方係是非之地，但本地南方有水，水可化解是非，建議大家多點游泳，最好就係淺水灣，南灣，石澳等等。但現實環境並非每人都可以去游泳，亦有折衷方法，就係家居運動，做到身水身汗自然可以化解不必要是非。

東方係升官之地，想升職就要多去清水灣。

2015乙未吉凶方位

本地本年正式係行衰運，建議一般人盡量保留現金在手，切勿以搵得少作為藉口而放棄積蓄，尤其是年青人的心態，「反正剩到都買唔到樓，不如食埋佢啦」，變成自己迫自己唔剩錢，運氣差就更要積蓄力量，金錢就係力量代表。

每一個地方的風水都不斷改變，有部份經歷一個地運才會改變些少，有部份就每一兩年就會有急速的變動，究其原因就係動土的頻密程度同動土的位置，在六運及七運時差不多整個香港翻新一次，最主要就係開發了好幾個大型屋?h，令到好多同級數?鴾H住埋一齊，大家?鴷肮■霂嶺禶|太參差，形成一種共通?麉銩Q，差不多的行為動態，作息的模式唔會有太大差距，但係到了八運就漸漸打破這種平衡狀態，地域的運氣亦都隨之而改變，以本地為例，八運五行屬土，地處南方，先天性火生土旺，火土旺自然金水弱，就會偏向於萌塞，唔識變通，這種特性就會應落港人身上，八運主少男，所以就會應驗於年青人，逢火土旺之年更趨嚴重。因為本地再無可能大規模收地，最多只有三五個單位的面積重建，因地積比率的關係，做成樓宇高矮參差不齊，所謂牙簽樓，當某一個地區突然間有一㡖新樓落成，自然與周圍的舊樓成一個強烈的對比，住入新樓的人的心態，肯定與原區舊樓住客的心態大不相同，最主要一樣就係新樓的住客必定以自己的牙簽樓作為地標，愈多牙簽樓就愈多地標，當一個地方只得一個地標時，表示當地多數人的思想都好接近，經濟狀況唔會相差太遠，亦都唔會有特立獨行的人，更加唔會有刻意攪對抗的人。但當一個地區牙簽樓愈來愈多時，即係好多人心目中的地標都不一樣，就會產生思想分歧，地區上的貧富懸殊，思想各走極端，行為乖戾，完全缺乏祥和之氣，演變成兩極化，當這種氣氛形成之後，就無可能番轉頭，只有愈來愈嚴重。是否永遠持續落去呢？當然唔會啦，一個人行完衰運都會轉番好，地區亦一樣，八運之後就係九運，由八運的男性轉為九運的女性，女性之中屬中女，性格較為持平，行為亦變成穩重，無?髐K運火土勁旺的戾氣，慢慢會回復和諧氣氛，這一天好快會到來。

本年本地正南方係是非之地，亦都係金木相剋，最容易出現的就係交通意外，家居大門係向南的話，行街都要打醒十二分精神，切莫做低頭一族，否則貓命都唔掂。同時亦都容易遇到惡人，行經太靜的地方都要小心。幸好本地南方有水，水可化解是非及凶象，建議大家多點游泳，最好就係淺水灣，南灣，石澳等等。但現實環境並非每人都可以去游泳，亦有折衷方法，就係家居運動，做到身水身汗自然可以化解不必要是非。

西南方係喜慶位，無須刻意趨旺，只要保持清潔整齊即可，如果座落廁所位，就要安裝自動關門制，使廁所門長期關上。西南方同時亦係太歲位，無論屋外或屋內，大忌動土，如外面有動土工程，可在此方位放置一個金屬計時器一個，化解太歲頭上動土煞氣。

正西方係多意外事件位置，亦會有突發性疾病，如果正西位有窗戶，可用湖水藍色窗帘布，忌紅色傢俱，亦忌外面動土，如有動土工程，可養黑色金魚化解，忌種針葉樹，忌貼揮春。

西北方係文昌位，利考試，亦可培養求學興趣，但要發揮文昌位效應，就要在這個位置每天寫四百字，即係寫滿一張原稿紙，家中任何人寫都可以，切勿以為插四枝富貴竹就可以考試名列前茅，要得到風水效力那有如此簡單。同時亦係先天金位，木被金剋，如果真係插四枝富貴竹的話，會出現溫習時頭頭是道，考試時一片空白，都係每天寫四百字實際一點。

正北就係一般人最喜歡的財位，切勿以為坐在財位就可以橫財就手，要得到財位效應，必要在這個位置有動象，不以為擺個時辰鐘，養幾條魚仔就叫做有動象，而係要在這個位置做運動，任何家居物品動象都不及人體運動的動象來得大，一家人誰想得財，就要在家中正北位做運動，久而久之自然有財源廣進應驗。同時亦係損小口位置，不要作為小孩子睡房。

東北係貴人位，一般人在正常狀況下係無需要貴人的，係運氣差時才需要貴人助力，如果真係運氣好差的話，請一家之煮多坐這個位置，或者在這個位置做文書工作，就一家人都容易遇到對自己有助力的人，但得一失一，就會泄弱一家之煮的旺氣，最常見就係有病（未知大病或小病），如果運氣唔係太差的話就勿倚賴貴人助力，靠自己更實際。

正東係升職位，如果落在辦公室內自己的位置，或家中書房，就的確有升職機會，但假如你的職級已經行人止步，這個位置就不能產生作用，如果還有空間的話，就可用不鏽鋼杯飲水，每日六杯，同時要多去東面游泳，例如清水灣。這個位置亦係今年的桃花位，如果外面有巖巉景物，例如光秃秃的山形，或一片舊樓的天台等等，就會應驗有桃花劫。如果有泳池或見海灣，就會出現開心桃花，但未必同婚姻有關。

東南係病位，最忌作為睡房及辦公室，如果本身已經係有慢性病的話，本年就算遍訪名醫也枉然，病情只有愈來愈重，基本上除了換位之外，化解能力好有限，尤其是冬天凶象最大。就算平時身體健康的人都會有病，體質強健的人就會感染小病，平時體弱多病者就肯定染大病，任何化解方法的能力都好有限，只有自己小心，尤其是飲食方面。