在九運中

在九運中（一）

未到九運就好期待，因為在八運裡就己經判斷九運差過八運，究竟差到什麼程度，的確係值得花時間去研究，為何會預測九運一定比八運差呢？因為九運所需要的山形水勢本地都唔合格，九運的山水要求好簡單，就係南方有山，北方有水，如果係高山大水就更理想，但實際環境就連小山小水都無，加上本地山多平地少，正式係形巒顛倒，經驗所得，山多平地少的地方最忌火，包括紅色的建築物，第一忌的自然係火運，更忌火的流年，放眼向前望，乙巳之後，就係丙午，丁未，這幾年要過得好，的確係有難度，所謂有難度只係一般階層，富貴人家自然不在此列，（富貴人家都會衰，但衰極都比一般人好）。

九運裡究竟那一個行業行先呢？答案好簡單，就係電影行業，在八運尾轉上九運，這個行業一路走下坡，踏入九運整個行業不知不覺進入休眠狀態，究竟眠到幾時呢，真係無人知。

九運另一個特點就係（靜），因為火生土旺就自然無生氣，所以就得出一個靜字。

了解咗方位學就好容易解釋靜的由來，本地位處南方，現行火運，加上山多平地少，順理成章就成為火炎土燥格，會令到生活在這裡的人好唔舒服，想要平衡陰陽，自然就要向北行，所以每日都有好多人北上（向北方靠攏，地位愈高，愈要向北），都係因為想平衡陰陽，同北方嘅物價又平又靚無關，全因為火炎土燥就向金水方位而行，就係咁簡單，至於北上之後會否得到金水滋潤就不得而知（因人而異，所以知命最重要）。

愈深入九運，火土影響力就愈大，包括市面淡靜（火土旺無動象），人心暴燥（火炎土燥無忍耐力），搵錢愈來愈難（本地以水為財，火土厚自然埋金制水），有樓在手自然損手（火多土焦，樓市自然有燶味）。

喺咁多不利環境之中，小小一個風水從業員，如何自救，以及幫助客戶渡過難關，方法一定有，只要身體力行，過關不難。